#含劇透 #不專業影評 #主觀意見 .
《翠絲》觀後感
.
對上一次睇有關跨性別題材電影已經係《丹麥女孩》，香港都有咁出色嘅作品真係令人好驚喜！
首先我覺得劇本同人物刻劃都幾好，迂腐同開放人物分得好鮮明，大雄、佢老婆同埋大雄媽媽都好傳統保守，「屋企唔准有性慾」都講得出，佢地明明知道有d野要面對都一直忍，忍足25年；反而對社會持開放態度嘅角色比較多～電影真係比現實理想太多。
大雄個名又係好諷刺，明明女兒心又偏偏有個咁Man嘅名～雄赳赳。但佢好好彩，佢身邊嘅好朋友、師傅Darling哥都無限支持佢做佢想做嘅事，甚至乎佢一對仔女都接受佢變性。
不幸地Darling哥開心完一晚係一定要死，因為Darling哥係大雄嘅未來，佢死先至令大雄決心變性，唔可以再浪費生命。
現實又邊有咁好？身邊朋友全部支持你、態度咁開放？好多人同立賢一樣，表面好開放，隨時轉個彩虹Icon但只要事發喺自己身上就接受唔到。
最感動嘅一幕係大雄老婆明明超級反對佢老公變性，甚至為咗留住佢而星期二、四、六陪佢「扮男人」；但佢最後都無簽署幫手抵制同性婚姻，似乎佢內心都開始接受佢老公變性。
呢幾年有睇過黑仔喺《五個小孩的校長》同《樹大招風》演出都令觀眾留低深刻印象，今次終於見到佢擔正做男人（定女一）？估唔到佢充滿男人味嘅外表，扮女人都唔會太違和，著起高踭鞋上嚟對腳唔會差過靚女😂
影后惠英紅演技都唔需要多講，演出傳統小女人非常自然令人動容，後起之秀吳肇軒做嘅反叛仔仔都好自然，佢舊年演出師生戀表現都好好，令人好期待佢之後演出！仲有2008年拎金鍾獎嘅台灣演員黃河都係好戲之人！
.
圖片來源：電影《翠絲》
.
#跨性別 #黑仔 #姜皓文 #惠英紅 #佟大雄 #吳肇軒 #余香凝 #葛文輝 #黃河 #佟立賢 #翠絲 #hkword #hkmovie #hkpop #hkculture #movie #cantonese #五個小孩的校長 #樹大招風 #金馬獎 #金像獎 #天下一電影 #丹麥女孩
Search